MCHECHU: RC MAKONDA NI KIONGOZI MBUNIFU

 

Na Mwandishi Wetu, Arusha

MSAJILI wa Hazina Tanzania Bw.Nehemia Mchechu amewataka wakuu wa mikoa mingine kuchukuwa ubunifu na uchapakazi wa Mhe. Paul Makonda, Mkuu wa Mkoa wa Arusha kama changamoto kwao ya kuhakikisha wanatumia vyema fursa mbalimbali kwenye mikoa yao.

Mchechu amebainisha hayo mapema jioni Agosti 29,2024, wakati wa hafla maalum, iliyoandaliwa na Mkuu wa Mkoa wa Arusha na kuwashirikisha wakuu wa taasisi, mashirika, wakala za serikali na wafanyabiashara kutoka mkoani hapa kwa lengo la kubadilishana uzoefu na kupeana fursa mbalimbali.

“Makonda anachokifanya na watu wa Arusha ni changamoto kwa wakuu wa mikoa wa sehemu nyingine kuwa Mgeni akija, wewe mwenye nyumba faidika kwa kuhakikisha kwamba unayakamilisha yako kwa urahisi zaidi palepale. Mikutano hii inapofanyika maeneo mengine waangalie ujanja na ukarimu wa kuwaita," amesema Mchechu.

Katika hatua nyingine Mtendaji Mkuu wa Taasisi ya maendeleo ya Waalimu,  Dkt.Maulid Maulid, amemtaja Mhe. Paul Makonda kama kiongozi wa mfano kutokana na namna anavyojishughulisha na masuala ya wananchi wake na kuhakikisha anawaunganisha na fursa mbalimbali.