Kaimu Afisa Mtendaji Mkuu wa DAWASA, Mhandisi Mkama Bwire akizungumza katika kikao kazi cha taasisi hiyo, wahariri na waandishi wa vyombo mbalimbali vya habari leo Jumatano Agosti 7,2024 jijini Dar es Salaam
Na Mwandishi
Wetu
MAMLAKA ya
Majisafi na Usafi wa Mazingira Dar es Salaam (DAWASA), limekutana na wahariri na
waandishi wa habari na kueleza mafanikio iliyoyapata katika kipindi cha miaka
mitatu ya Serikali ya Awamu ya Sita inayoongozwa na Rais Dkt. Samia Suluhu
Hassan.
Akizungumza
katika kikao kazi hicho kilichoratibiwa na Ofisa ya Msajili wa Hazina, Kaimu
Afisa Mtendaji Mkuu wa DAWASA, Mhandisi Mkama Bwire, ameelezea mafanikio ya
taasisi muhimu.
Amesema
DAWASA imefanya maboresho mbalimbali yenye lengo la kuleta ufanisi wa kuhudumia
wateja, ambapo wamepata mafanikio makubwa katika uzalishaji na uanzishaji wa
miradi mipya.
Amesema
kwasasa uzalishaji wa maji kwa DAWASA umeongezeka kutoka lita milioni 520 kwa
siku hadi lita milioni 534.6 kwa siku, sawa na ongezeko la lita milioni 14.6
kwa siku.
Amesema
mbali na kuongezeka kwa uzalishaji maji, pia uwezo wao wa kuifadhi maji
umeongezeka kutoka lita milioni 154 hadi lita milioni 184 sawa na ongezeko la
lita milioni 30.
Ameongeza kuwa,
mtandao wa usafirishaji na usambazaji maji nao umeongezeka kutoka kilomita
4,690.7 hadi kufikia kilomita 7,087, wakati ule wa majitaka uliokuwa wa
kilometa 450 kwasasa umefikia kilometa 517.12, sawa na ongezeko la kilometa
67.12, ambapo wateja waliounganishwa majisafi wameongezeka kutoka 343,019 hadi
438,177.
Pamoja na
mafanikio hayo, Mhandisi Bwire amesema DAWASA wana changamoto ingawa
wanapambana nazo kuzitatua. Changomoto mojawapo ni ile ya uvamizi na uharibifu
wa vyanzo vya maji, mabadiliko ya tabia nchi, elimu kwa wananchi na ujenzi wa
bwawa la Kidunda.
Ameitaja
nyingine ni Changamoto ujenzi wa makazi usiozingatia taratibu za mipango miji,
ushirikiano na wadau (Tanroads, Manispaa) katika kutatua changamoto na uvamizi
katika maeneo ya hifadhi ya miundombinu ya maji.
Kaimu Afisa
Mtendaji Mkuu huyo amesema kwamba, changamotyo nyingine ni uchakavu wa mabomba
na upotevu wa maji zinachangia kurudisha nyuma juhudi za taasisi.
Amesema
wanaendelea mpango wa kutoa elimu kwa wananchi ya umuhimu wa kulipia huduma ya
maji wanayopata, kwani fedha hizo ndizo zinazosaidia kutatua mambo mengi ya kiuendeshaji.
Kuhusu
miradi mipya, Mhandisi Bwire amesema miradi mipya inayoendelea kutekelezwa ni
pamoja na mradi wa maji Dar es Salaam ya Kusini, uliosainiwa Oktoba 31, 2023,
ambao ni ujenzi wa tanki la ujazo lita milioni 9, wenye thamani ya sh.bilioni
34.5.
Afisa Uhusiano Mwandamizi Ofisi ya Msajili wa Hazina Sabato Kosuri, akizungumza katika kikao kazi kilichowakutanisha wakurugenzi wa Mamlaka ya Majisafi na Usafiri wa Mazingira Dar es Salaam (DAWASA), wahariri na waandishi wa habari leo Jumatano Agosti 7,2024 jijini Dar es Salaam.
Kabla ya
kuanza kwa kikao kazi hicho, Afisa Habari Mwandamizi kutoka Ofisi ya Msajili wa
Hazina, Sabato Kosuri, amewakumbusha wahariri na waandishi wa habari umuhimu wa
vikao kazi hivyo, huku akiwataka kuzingatia yale yote yatakayowasilishwa.
“Ninawaomba
haya yatakayozungumza kwenye kikao kazi hizi yazingatieni, yatawasaidia katika
kazi zenu,” amesema.
Naye, Mwenyekiti
wa Jukwaa la Wahariri Tazania (TEF), Deodatus Balile, walishukuru DAWASA kwa
kuwasilisha wasilisho hilo lililokuwa na mambo meingi muhimu ambayo mengine
yalikuwa hayajulikana.
Balile amesema
mafanikio makubwa, aliyoyataja Kaimu Afisa Mtendaji Mkuu wa DAWASA, yanatokana
na utendaji mzuri wa kazi wa watendaji wot echini ya Mhandisi Bwire.
Ameongeza
kuwa, DAWASA wanatakiwa kupambana kumaliza kero zilizopo ili kuongeza ufanisi
wa taasisi katika kuwahudumia wananchi, lakini akimtaka kuwaondoa watendaji
ambao hawataki kutekeleza majukumu yao.
Mwenyekiti
wa TEF amesema wanatamani DAWASA wakamilishe kazi ya kufunga mita za maji kila nyumbani
yenye huduma ya maji, akiamini kwamba itasaidia kujua sehemu ambayo maji yanapopotelea.
Kaimu Afisa Mtendaji Mkuu wa DAWASA, Mhandisi Mkama Bwire akizungumza katika kikao kazi
Afisa Uhusiano Mwandamizi Ofisi ya Msajili wa Hazina Sabato Kosuri, akizungumza katika kikao kazi kilichowakutanisha wakurugenzi wa Mamlaka ya Majisafi na Usafiri wa Mazingira Dar es Salaam (DAWASA), wahariri na waandishi wa habari leo Jumatano Agosti 7,2024 jijini Dar es Salaam.
Meneja Mawasiliano wa Mamlaka ya Majisafi na Usafi wa Mazingira Dar es Salaam (DAWASA), Bi. Everlasting Lyaro akizungumza katika kikao kazi
No comments