𝐂𝐇𝐔𝐌𝐈 𝐀𝐌𝐒𝐇𝐔𝐊𝐔𝐑𝐔 𝐑𝐀𝐈𝐒 𝐒𝐀𝐌𝐈𝐀 𝐊𝐔𝐇𝐀𝐌𝐀𝐒𝐈𝐒𝐇𝐀 𝐌𝐀𝐓𝐔𝐌𝐈𝐙I YA 𝐍𝐈𝐒𝐇𝐀𝐓𝐈 𝐒𝐀𝐅𝐈 𝐍𝐀 𝐒𝐀𝐋𝐀𝐌𝐀

Na Mwandishi Wetu, Mafinga 

MBUNGE wa Jimbo la Mafiunga Mjini, Cosato Chumi ameiponmgeza Serikali ya Rais Dkt. Samia Suluhu Hassan kwa kuanzisha jitihada za kuhamasisha matumizi ya nishati safi ya salama kwa jamii.

Akizungumza wakati wa mafunzo kuhusu matumizi ya nishafi safi na salama aliyoandaa kwa makundi mbalimbali, Chumi ameeleza umuhimu wa kuelekeza juhudi kwenye matumizi ya nishati rafiki kwa mazingira.

Katika mafunzo hayo ambayo yametolewa na Wakala wa Nishati Vijijini (REA), yamehudhuriwa na viongozi wa dini, viongozi wa chama, viongozi wa serikali za mitaa na vijiji na wazee maarufu,  jumla ya mitungi ya gesi 350 iligawiwa kwa washiriki wa mafunzo hayo ili kuhamasisha matumizi ya nishati safi na salama kwa wananchi.

Mbunge Chumi amesema lengo la mafunzo hayo ni kuwapa viongozi hao elimu ili waweze kuwa mabalozi wa kuelimisjha kuhusu matumizi ya nishati safi na salama, na kwa kufanya hivyo kutasaidia kulinda mazingira kwa kutumia nishati safi na salama.

Chumi amesema mafunzo hayo yatasaidia kutoa elimu kuhusu maana ya nishati safi na salama kutoka kwa wataalamu, pamoja na athari za matumizi ya nishati zisizo salama na mpango huo wa kugawa mitungi ya gesi unalenga kuhamasisha wananchi kutumia nishati safi kwa gharama nafuu kwani hata ujazo wa mitungi hiyo ni mdogo utakao saidia wananchi wengi kumudu kununua licha ya hali tofauti za wananchi.

Kupitia jitihada hizi tunatarajia jamii itapunguza matumizi ya nishati ambazo zinachangia kwa kiasi kikubwa katika uharibifu wa mazingira huku ikidumisha ustawi na maendeleo ya jamii.