YANGA SASA SIFA, YAIDUNGUA COASTAL UNION NYUMBANI

Clement Mzize (kulia) na Maxi Nzengeli wakishangilia bao lililofungwa na Mzize katika mechi ya Ligi Kuu NBC dhidi ya Coastal Union uliopigwa Novemba 8,2023 kwenye Uwanja wa Mkwakwani jijini Tanga.

Na Mwandishi Wetu

VINARA wa Ligi Kuu ya NBC, Yanga SC, wameendelea kukaa kileleni mwa msimamo wa Ligi Kuu Bara baada ya kuilaza Coastal Unión bao 1-0, katika mchezo uliopigwa Uwanja wa Mkwakwani jijini Tanga.

Bao la washindi limefungwa dakika ya 71 na Clement Mzize, kwa kichwa akiunganisha vizuri mpira wa krosi uliopigwa na Jesús Moloko, kutoka upande wa kulia.

Mzize aliingia kuchukua nafasi ya Kennedy Musonda dakika ya 59, wakati Moloko alirithi mikoba ya Mudathir Yahya dakika ya 70.Mchezo huo ulikuwa wa vuta nikuvute, lakini Yanga ambao ni mabingwa watetezi, walitumia uzoefu wao kupata bao hilo lililowapa alama tatu.

Kwa matokeo hayo Yanga, imejikusanyia alama 24, zinazoiweke kileleni, ikifuatiwa na  Azam FC na Simba ikiwa ya tatu, Coastal Unión waliokuwa nyumbani wamesalia na alama saba zinazomweka katikam nafasi ya 13.