DAWATI LA KUSHUGHULIKIA UKATILI WA KIJINSIA LAZINDULIWA TIA MKOA SINGIDA

Mkuu wa Dawati la Jinsia wa Jeshi la Polisi Mkoa wa Singida, Mkaguzi wa Polisi Amina Abdallah, ambaye alikuwa mgeni rasmi akizungumza na Wanafunzi wa Taasisi ya Uhasibu Tanzania (TIA) Kampasi ya Singida wakati akizindua rasmi dawati la jinsia Oktoba 1, 2023.

Na Dotto Mwaibale, Singida

JESHI la Polisi Mkoa wa Singida limezindua rasmi dawati la jinsia katika Taasisi ya Uhasibu Tanzania (TIA), Kampasi ya Singida kwa lengo la kukabiliana na vitendo vya ukatili wa kijinsia kwa wanafunzi wa taasisi hiyo.

Mkuu wa Dawati la Jinsia wa Jeshi la Polisi mkoani hapa, Mkaguzi wa Polisi Amina Abdallah ambaye alikuwa mgeni rasmi na kuongozana na Koplo Eva Julius wa dawati hilo, akizungumza Novemba 1, 2023 kwenye uzinduzi huo, alisema dawati hilo litasaidia kwa wanafunzi wanaopatwa na madhira kutoa taarifa ili changamoto zao ziweze kufanyiwa kazi.

Alisema viongozi wa dawati hilo ambao watakuwa wakipokea taarifa kabla ya kuzifikisha ngazi za juu wazingatie suala la usiri ili wanafunzi waweze kuwa na imani na dawati hilo.

Abdallah aliupongeza uongozi wa taasisi hiyo kwa kazi nzuri ambayo imesaidia kudhibiti vitendo vya unyanyasa wa kijinsia, katika msimu wa masomo uliopita hakujaripotiwa matukio ya unyanyasaji wa kijinsia yakiwamo ya ubakaji na ulawiti ikilinganishwa na kipindi cha nyuma.

"Huu utaratibu wa kuwa na dawati la kijinsia usiishie katika taasisi hii bali uenezwe katika vyuo vingine na shule za msingi kwa kutoa elimu ya kupinga vitendo vya ukatili wa kijinsia, hiyo itakuwa njia nzuri ya kukabiliana na matukio hayo," alisema Abdallah.

Katika kuhakikisha dawati hilo linapata nguvu kushughulikia changamoto za unyanyasaji wa kijnsia, kwa upande wa wanafunzi waliwachaguliwa wajumbe watatu kusimamia ambao ni Waziri wa Afya kutoka Serikali ya Wanafunzi ya taasisi hiyo, Ramla Mchomvu, Mwalimu Francis Masele na mlezi wa wanafunzi, Asia Hansy,

Makamu Mkuu wa taasisi hiyo, Flora Lemnge aliwataka wanafunzi hao watakapokuwa na changamoto yoyote ya ukatiliwa k ijinsia kwenda kutoa taarifa kwa wajumbe hao ambao ni wasiri na wanauzoefu mkubwa ambapo kwa wavulana aliwataka kwenda kumuona Francis Masele.

Mshauri wa wanafunzi katika taasisi hiyo, Ambwene Kajula alisema wanafuraha kulizindua dawati hilo licha ya kuwa nalo, lengo la kulizindua ni kutaka kuukataa na kuutokomeza kabisa ukatili katika jamii yao na watu wawe bora kama Rais Dkt. Samia Suluhu Hassan alivyoamua kuweka Wizara ya Ustawi wa Jamii na kuona kazi ya dawati la jinsia lina msaada mkubwa.

"Dawati la jinsia linasaidia kuweka mazingira bora kwa wanafunzi na kama wataweza kuongea na kupata sehemu ya kusema madhira walioyapata kwa ukaribu tena kwa mtu ambaye wamemzoea ni jambo jema sana," alisema Kajula.

Alisema katika kampasi hiyo wamechaguliwa baadhi ya walimu na watumishi kuwa wajumbe wa dawati hilo ambao watasaidia kupokea taarifa kutoka kwa waathirika na kuzifanyia kazi na kuyafikia malengo ya kutokomeza ukatili katika taasisi hiyo na nchi kwa ujumla.

Mwanafunzi wa taasisi hiyo anayesomea ngazi ya cheti, Pendo Maube akizungumza kwa niaba ya wenzake, alisema kupitia uzinduzi huo wameweza kujua fursa mbalimbali ambazo zinapatikana katika dawati hilo la kijinsia na kujua haki zao na namna ya utoaji wa taarifa pale panapotokea changamoto ya ukatili wa kijinsia.

Katika uzinduzi huo elimu mbalimbali zilitolewa, ambapo Mkaguzi wa Jeshi la Zimamoto na Uokoaji Mkoa wa Singida, Mwantumu Bakari akiongozana na wataalamu wa jeshi hilo walitoa mafunzo ya kukabiliana na majanga ya moto, ambapo walitoa namba ya kutoa taarifa iwapo kutatokea changamoto hiyo kwa kupiga simu namba 114.

Viongozi mbalimbali wa Shujaa wa Maendeleo na Ustawi wa Jamii (SMAUJATA) mkoani hapa nao walipata fursa ya kutoa elimu ya kupinga vitendo vyote vya ukatili ambapo wanafunzi hao walikubali kuwa mashujaa wa Smaujata.

Mbali ya elimu hiyo kutolewa na makundi hayo, pia baadhi ya wawakilishi wa taasisi za kifedha kama benki ya NMB, CRDB na nyingine, nao walitoa elimu ya namna ya utunzaji wa fedha, ambapo walielezea umuhimu kwa wanafunzi hao wa kufungua akaunti ili kutunza fedha zao badala ya kuwa nazo kwenye mabegi na kukosa usalama.

Makamu Mkuu wa Taasisi hiyo ambaye pia ni Mratibu wa Taaluma, Flora Lemnge akizungumza katika uzinduzi huo.

Mkaguzi wa Jeshi la Zimamoto na Uokoaji Mkoa wa Singida, Mwantumu Bakari, akitoa elimu ya jinsi ya kukabiliana na majanga ya moto.

Mshauri wa Wanafunzi katika taasisi hiyo, Ambwene Kajula, akizungumza kwenye uzinduzi huo.

Naibu Smaujata Mkoa wa Singida, Kabelwa Ramadhani akizungumza na wanafunzi wa TIA Kampasi ya Singida.

Afisa Kumbukumbu na Nyaraka wa TIA Singida, Juma Kihiyo akizungumzia jinsi mwanafunzi anavyotakiwa kuomba ruhusa ya kutoka chuoni.

Katibu Gavana wa Wilaya ya Singida, Miraji Hamisi, akizungumza.

Mmoja wa kiongozi wa Smaujata idara ya wanawake Mkoa wa Singida, Evelyne Lyimo, akichangia jambo kwenye uzinduzi huo.

Shujaa wa Maendeleo na Ustawi wa Jamii kutoka Singida Mjini, Hapiness akichangia jambo wakati akitoa elimu kuhusu ukatili wa kijinsia na mambo mengine.

Mwenyekiti wa Smaujata Manispaa ya Singida, Elineema Babu, akizungumza kwenye uzinduzi huo.

Elimu ya kukabiliana na majanga ya moto ikitolewa na Afisa wa Jeshi la Zimamoto na Uokoaji.

Wanafunzi wakiwa kwenye uzinduzi huo.

Wanafunzi wakishiriki uzinduzi huo.

Saluti ikipigwa wakati wimbo wa taifa ukiimbwa.

Shujaa wa Maendeleo na Ustawi wa Jamii (SMAUJATA) Mkoa wa Singida, Omari Mwangi, akitoa nasaha zake kwa wanafunzi wa kampasi hiyo.

Shujaa mtoto wa Maendeleo na Ustawi wa Jamii ambaye hakupenda kutaja jina lake naye alikuwepo kwenye uzinduzi huo.

Wanachuo wakisikiliza jambo wakati wa uzinduzi huo

Wakiwa wamesimama wakati wimbo wa Taifa ukiimbwa.

Picha ya pamoja na mgeni rasmi.

Mgeni rasmi wa uzinduzi huo, Mkaguzi wa Polisi, Amina bdallah (katikati) akiwa katika picha ya pamoja na wajumbe wa dawati la jinsia Taasisi ya Uhasibu Tanzania (TIA) Kampasi ya Singida.Kutoka kushoto ni Ambwene Kajula, Ramla Mchomvu, Asia Hansy na Francis Masele.