Manchester United yajiweka pazuri Kombe la Europa, yaichapa Celta Vigo 1-0

Marcus Rashford, akipongezwa na wachezaji wenzake baada ya kuifungia bao pekee Manchester United dhidi ya Celta Vigo usiku wa kuamkia leo kwenye Uwanja wa Estadio de Balaídos.

Kinda wa Manchester United, Lingard, akizuiwa na walinzi wa Celta Vigo katika mechi ya Kombe la Europa iliyopigwa 

Klabu ya soka ya Manchester United ya Uingereza usiku wa kuamkia leo imeibuka na ushindi wa bao 1-0 dhidi ya Celta Vigo katika mchezo wa nusu fainali ya kwanza ya Kombe la Europa.

Marcus Rashford aliifungia timu yake bao pekee katika mchezo huo dakika ya 67, kwa mpira wa adhabu uliokwenda moja kwa moja wavuni.

Baada ya mchezo huo wa kwanza, timu hizo zitarudiana tena Alhamisi wiki ijayo kwenye Uwanja wa Old Trafford unaomilikiwa na Manchester United uliopo jijini Manchester, Uingereza.

Mchezaji wa Celta Vigo, Pablo Hernandez (kulia) na kiungo wa Manchester United,  Marouane Fellaini wakiania mpira wakati wa mechi ya nusu fainali Kombe la Europa usiku wa kuamkia leo. Man United ilishinda bao 1-0.

Paul Pogba  wa Manchester United akiwatoka wachezaji wa timu ya Celta Vigo usiku wa kuamkia leo. Manchester United iliibuka na ushindi wa bao 1-0.