MANCHESTER UNITED KUKIPIGA FAINALI NA AJAX, SWEDEN MEI 24,2017

Kocha wa Manchester United, Jose Mourinho (kushoto), akiangua kicheko, wakati Kocha wa Celta Vigo, Eduardo Berizzo akiziba sura kwa hasira.

Manchester United itashuka uwanjani nchini Sweden kuumana na Ajax ya Uholanzi katika mechi ya fainali ya Kombe la Europa, baada ya usiku wa kuamkia leo kutoka sare ya bao 1-1 dhidi ya Celta Vigo ya nchini Hispania bao 1-0.

Katika mchezo huo timu zote zilimaliza pungufu uwanjani baada ya Eric Bailly kwa upande wa United na Rocanglia wa Celta Vigo kuoneshwa kadi nyekundu, wakati mchezo ukielekea ukingoni.

Man United walikata tiketi hiyo kwa bao la dakika ya 17, lililofungwa kwa kichwa na kiugo Fellaini akitumia vizuri mpira uliopigwa na Marcus Rashford.

Dakika tano katika ya mchezo kumalizika, Celta Vigo walifanikiwa kusawazisha bao hilo lililotumbukizwa wavuni na Sebastian Rocanglia, hata hivyo mfungaji wa bao hilo dakika nne baadaye alitolewa nje kwa kadi nyekundu. United imetinga fainali kwa jumla ya mabao 2-1, kwani katika mechi ya kwanza iliibuka na ushindi wa bao 1-0 wakiwa ugenini.

Katika mchezo mwingine wa nusu fainali ya michuano hiyo, Olympique Lyon ya Ufaransa ilitolewa kwenye mbio za ubingwa baada ya kuchapwa jumla ya mabao 5-4. Katika mechi ya kwanza Lyon ilichapwa mabao 4-1 mjini Amsterdam.

Mchezo wa usiku wa kuamkia leo wakiwa nyumbani, Lyon walishinda mabao 3-1, mabao yaliyofungwa na Alexandre Lacazattemabao mawili mbili na Rachid Ghezzal bao moja, wakati bao la wageni lilifungwa na Kasper Dolberg.

Fainali ya michuano ya Europa itapigwa Mei 24, mwaka huu kwenye Uwanja wa Friends Arena jijini Stochklom, Sweden.

Marouane Fellaini (kulia), akishangilia na Jesse Lingard, baada ya kuifungia Manchestern United bao katika mechi ya nusu fainali ya Kombe la Europa usiku wa kuamkia leo.

Fellaini (wa pili kushoto), akipongezwa na wachezaji wenzake baada ya kuifungia timu yake bao dhidi ya Celta Vigo kwenye Uwanja wa Old Trafford jijini Manchester, Uingereza usiku wa kuamkia leo.

Roncaglia (katikati), akishangilia baada ya kuisawazishia timu yake ya Celta Vigo bao dakika ya 85.

John Guidetti akizikitika baada ya kukosa nafasi ya kucheza fainali ya Kombe la Europa, baada ya kutoka sare ya bao 1-1 dhidi ya Manchester United, lakini imeyaaga mashindano hayo kwa jumla ya mabao 2-1.

Kiungo Mfaransa, Paul Pogba (kulia), wa Man United akimtoka Namanja Radoja wa Celta Vigo katika mechi ya nusu fainali ya Kombe la Europa iliyopigwa Uwanja wa Old Trafford jijini Manchester, Uingereza usiku wa kumkia leo.

Kiungo wa Manchester United, Ander Herrera (kushoto), akiwania mpira, huku winga wa Celta Vigo, Daniel Wass akijadibu kuuwania mpira huo.

Nahodha wa Manchester United, Wayne Rooney akishuhudia mechi baada ya kuwekwa nje katika kikosi kilichocheza dhidi ya Celta Vigo usiku wa kuamkia leo.