Arsenal yamtesa Mourinho, yaichapa mabao 2-0

Danny Welbeck akishangilia bao alilofunga dhidi ya Manchester United leo katika Uwanja wa Emirate jijini London, Arsenal ameshinda mabao 2-0.

Granit Xhaka na Nacho Monreal, wakishangilia bao la kwanza la Arsenal dhidi ya Manchester United leo.

Kocha wa Manchester United, Jose Mourinho akisalimiana na Arsene Wenger wa Arsenal , baada ya mchezo kumalizika.

Mchezaji wa manchester United,  Henrikh Mkhitaryan akichezewa vibaya na Alex Oxlade-Chamberlain wa Arsenal katika mechi ya Ligi Kuu England iliyopigwa kwenye Uwanja wa Emirates jijini London, leo. Arsenal ilishinda mabao 2-0.

KOCHA mwenye makeke mengi katika Ligi Kuu ya England, Jose Mourinho, leo ametoka katika Uwanja wa Emirate jijini London kichwa chini baada ya timu yake ya Manchester United kukubali kipigo cha mabao 2-0 dhidi ya kikosi kinachonolewa na mkongwe, Arsene Wenger, Arsenal.

Arsenal wakicheza mbele ya mashabiki wao, walipata bao la kwanza dakika ya 54, lililofungwa na

Granit Xhaka. Hata hivyo, wachezaji wa Man United walikuja na kuliandama lango la Arsenal, lakini kipa Petr Cech na walinzi wake walikuwa na kazi moja tu, ya kuhakikisha nyavu zao hazitikiswi.

Dakika ya tatu baadaye Danny Welbeck aliwakatisha tamaa kabisa Manchester United baada ya kufunga bao la pili.

Kwa matokeo hayo, Arsenal iko katika nafasi ya sita ikitanguliwa na kinara wa ligi hiyo, Chelsea mwenye pointi 78, Tottenham pointi 77, Liverpool pointi 70, Manchester City pointi 69 na United pointi 65.