TAMASHA LA SAUTI ZA BUSARA LAREJEA KWA KISHINDO

 Baada ya ukimya wa mwaka mmoja bila tamasha la muziki pendwa la Zanzibar, Tamasha la Sauti za Busara 2017 limerejea kwa kishido ambapo band 40 na wasanii zaidi ya 400 walitumbuiza kwenye majukwaa matatu tofauti kwa siku nne mfululizo. Tamasha linalotumbuiza asilimia 100 live muziki wa Africa ulijumuisha nyimbo za kitamaduni kutoka kwa wasanii chipukizi na wasanii pendwa kama  Bob Maghrib (Morocco), Mcharuko Band (Zanzibar), Ze Spirits Band (Tanzania), H_art the Band (Kenya), Madilisto Band (Malawi), Pat Thomas & Kwashibu Area Band (Ghana), Karyna Gomes (Guinea-Bissau) na wengine wengi.

 Wahudhuriaji  wa tamasha elfu sita kutoka mataifa mbalimbali walihudhuria Ngome Kongwe, Zanzibar, hali ilikua ya kuburudisha. Jukwaa la Forodhani lilikua maarufu kwa vijana na familia za Zanzibar zilizokusanyika kufurahia wasanii wakitumbuiza huku wakishudia jua lianazama.

Yusuf Mahmoud, Mkurugenzi wa Tamasha muda mfupi baada ya tamasha alisema “Kupitia lugha ya kuziki Sauti za Busara imenonesha dunia kuwa Africa imejawa na matumaini, furaha na utajiri wa kutosha kwa upande wa utamaduni. Kwa wiki moja aelfu ya watu wa Zanzibar na sehemu mbalimbali duniani wameshuhudia nguvu ya muziki inavyokuza amani, urafiki na umoja. Ninawashuluru wasanii wote na wafanyakazi wote wa Busara, watu wa Zanzibar, wadhamini, vyombo vya habari, na kila mmoja aliyehudhuria na kuchangia mafanikio haya,”.

Wahudhuriaji wengi wamesema tamasha la mwaka huu lilikua zuri kuliko mengine lililosheheni ratina nzuri yenye muziki wa kiwango cha juu kwa upande wa sauti na taa. Pia utaratibu wa kila kitu ulipangwa vizuri na mambo yote yalifanyika bila tatizo lolote ndani ya muda uliopagwa.

Mwaka huu, Busara Promotions wameshirikiana na Taasisi ya Emerson Zanzibar na kuzindua rasmi tuzo ya kwanza ya muziki ya  Emerson iliyompa tuzo msanii bora wa Zaznibar kutoka kundi lililotumbuiza tamasha la Sauti za Busara 2017. Tuzo imeenda kwa Gora Mohammed Gora, anayepiga Ganun kwenye band ya  Matona’s G Clef. Mohammed aipata dola za Marekani 1,000, kombe, cheti na sherehe iliyoandaliwa na Emerson Spice Hotel.

Eneo lote la Stone Town, mitaa ilijazwa na sauti za muziki pamoja na Busara Xtra ratiba iliyoandaliwa kufikisha muziki kwa watu. Kina mama kutoka chuo cha Madrassat Michenzani waliimba “Dufu,” ngoma ya asili ambayo mara nyingi huimbwa na kupigwa na wamaume ila kudi hili la wanawake walianza mud mrefu na walishangaza umati wa Busara kwa uimbaji wao.

 Mada za Movers & Shakers zilielezea changamoto za wanawake na muziki kwenye mada maalumu iliyoshirikisha wasanii mbalimbali. Mariam Hamdani, Mkurugenzi wa kundi la Tausi Women’s Taarab, alisema ndoa sababu kubwa inayowakwamisha wanawake wasifanikiwe kwenye kazi ya muziki. “Wanawake kwenye kudi letu, hupoteza vipaji vizuri kwa sababu ya ndoa baada ya waume zao kuwakataza kuendelea na kazi hiyo baada ya kuwaoa,” amesema Mariam Hamdani.

Wakati hadhira ikihitaji burudani zaidi, Sauti za Busara imepangwa kurejea mwaka ujao Februari 8-11, 2018.

Sauti za Busara 2017 imedhaminiwa na Ubalozi wa Norway, Swiss Agency for Development Cooperation (SDC), ZANTEL, SMZ, Africalia, Ubalozi wa Ujerumani, Zanlink, Memories of Zanzibar, Ethiopian Airlines, Mozeti, Coastal Aviation, Ikala Zanzibar Stone Town Lodge, Music in Africa, Chuchu FM Radio, Tifu TV na Zanzibar Media Corporation.